PÓ-THAH SIÂ-YIÁᴺ (Tŏiⁿ 1 hio̍h)
PÓ-THAH SIÂ-YIÁᴺ
TŎIᴺ 1 CHIOᴺ
TSṲ-NIÔᴺ-NÂNG --KÂI KÉNG-NGŎ
Tŏ Tong-kok, m̆-lí lṳ́ sĭ ta-pou a-sĭ tsṳ-niôⁿ, nâng che̍k-seⁿ-sì tsóng-sĭ kuè kàu kan-khóu tsăi; liáu, kah pa̍t-kò bô Ki-tok --kâi tī-hng pêⁿ-iōⁿ, nâng zú nńg-chiáⁿ, seⁿ-ua̍h zú thiám. Tong-kok tsṳ-niôⁿ bô kah ang-sài tsò-pû hui-koi; i--nâng bô kah tshù-lăi --kâi ta-pou-nâng tsò-che̍k-ē chia̍h, tio̍h thĕng1 ta-pou-nâng chia̍h-tît chiàⁿ chia̍h in chia̍h-tshûn --kâi; lī-khui ka-kī --kâi hiaⁿ-tĭ-chek-sun, i--nâng mih-sì-sṳ̄ to bô-piàn tsò--tit. Sui-sĭ chiòⁿ-seⁿ, tùi móng-tī-kâi tsân-mīn lâi thóiⁿ, i--nâng --kâi kéng-ngŏ huân-liáu2 hó kuè sio-keh kok-ke --kâi chí-muē--hué. Yi--nâng bŏi chhin-chhiŏⁿ Yìn-tōu hiòⁿ-seⁿ tio̍h sêng-siŭ --nâng⁎ àn chéng-tsa̍k pun-lūi; i--nâng bŏi jiân Thóu-zṳ́-khî tsṳ-niôⁿ hiòⁿ-seⁿ khṳt3 --nâng⁎ kìm tŏ pâng-lăi; i--nâng bŏi tǹg Miân-tiăn tsṳ-niôⁿ hiòⁿ-seⁿ tsò-ē bô tī-ūi kah chheng ta-pou chiàⁿ ŭ tsong-kà te̍k-khuân; i--nâng bŏi siău Sai-tsăng che̍k-tshoh tī-hng che̍k-nâng ho̍k-sṳ̆ ku-ā-nâng4 hiòⁿ bô-hó miāⁿ-keh; i--nâng bŏi jiân-tǹg Siâm-lô tsṳ-niôⁿ hiòⁿ-seⁿ che̍k-ē thiⁿ-sî pek-zua̍h, mue̍h kàu --nâng⁎ liân tá-tia̍p to pân-tuăⁿ6. Tsṳ-niôⁿ-nâng --kâi tek-hĕng, kah tshuân-sì-kài pa̍t-kâi kok-ke pêⁿ-iōⁿ, kâi-kâi sió-sim pó-hŭ, tsun-tŏng kàu ŭ-tshûn. Tsṳ-niôⁿ-nâng bô-lŭn lău-hău-seⁿ, kah tâng-în ta-pou-nâng tŏ nâng-lâi-kheh-khṳ̀ --kò thóiⁿ-tio̍h pêⁿ-ke tī-ūi lóng siang-tang. Tsṳ-niôⁿ-kiáⁿ-nâng, sui-sĭ bŏi jiân-tǹg Yìn-tōu hiòⁿ-seⁿ chia-tsa̍h kàu mi-mi-ba̍t-ba̍t, liáu, in mó ka-kī che̍k-nâng tshut-mn̂g, iā5 mó kìⁿ ta-pou nâng-kheh. Tŏ chí-kâi Ki-tok kà-ngĭ --kâi kám-huè kah chĕng-huè hāu-la̍t huân-liáu bô-nâng-tsai --kâi kok-tōu, Tong-kok-nâng khṳt tsṳ-niôⁿ-nâng --kâi siă-huĕ tsṳ̆-iû thóiⁿ--khí-lâi kah-kah-hó.
注：
- thĕng, 等待。部分地方更常用 tán; thăi ；
- huân-liáu, 还；依然。现今多数地方合音为 huáⁿ₊; háⁿ₊ 等，后续篇章将采用 huáⁿ₊；
- khṳt, 被；给予。现今原用此音的地区多读 khṳh，此处仅为对应当时语音而已，后续篇章将采用今音 khṳh；
- ku-ā, 多（个），此处声调采用作者所著词典中声调，同时期另一白话字词典中记录为 kúi-uā[-kâi] 或 kúi-uă[-kâi]；其中 uă/uā 按译者理解，同程度副词 bô-uă 的 uă 。现今该词多数地方合音为 kuá₊，后续篇章将采用合音 kuá₊；
- iā, 亦，此处声调采用作者所著词典中声调。此义现今口语中因虚词变化而读音各异，后续篇章将沿用此音；
- pân-tuăⁿ, 懒惰。
变更历史
| 更改日期 | 更改信息 |
|---|---|
| 2022-07-23 | update comments |
| 2022-07-05 | add internal comments about “chéng-tsa̍k” |
| 2022-07-02 | seperate “kâi” & “–kâi”, though it’s almost the same for me. |
| 2022-06-23 | modified for style |
| 2022-06-17 | update pages & PUJ translation |
| 2022-06-15 | update PUJ articles and translation |
| 2022-06-14 | update PUJ translation |
| 2022-06-12 | update PUJ translation |
| 2022-06-11 | update PUJ article and translation |
| 2022-06-11 | update translation |
| 2022-06-11 | update PagodaShadowsPage001.md |
| 2022-06-10 | updated PagodaShadowsPage001.md |
| 2022-06-10 | added PagodaShadowsPage001.md |