PÓ-THAH SIÂ-YIÁᴺ (Tŏiⁿ 2 hio̍h)
Tŏ chiá kuaⁿ-gê lu-ke̍h nâng chîⁿ-ngṳ̂n siăng-khiàng, pua̍h-hehⁿ ngĕⁿ-teh mue̍h kàu --nâng⁎ chheⁿ-kiaⁿ --kâi kok-ke --kò, ta-pou tsṳ-niôⁿ to tshó-lia̍k m̆-káⁿ kah kuaⁿ-ke piăn-poh. Put-kuè, kuaⁿ-hú bô m̆-tsún tsṳ-niôⁿ-nâng tsoh i--nâng ŏi lia̍h-chhiú --kâi khang-khuè-thâu-lōu.
Tsṳ-niôⁿ-nâng ŭ tshâi-chhêng, nâng-nâng lóng o-ló kah kèng-tŏng. Sṳ̄-sît --sĭ, chiá siu-ûi bô tàⁿ hiòⁿ lâ-muāⁿ1; liáu siá chiàⁿ-sṳ́ --kâi lia̍h hṳ́ lân-kúi-kâi tshâi-nńg chheⁿ o-ló, siá siáu-sueh --kâi li hàuⁿ o-ló kiam pòng-hong2, lia̍h sió-chiá--hué siá kàu ŏi siá si --lâi ŏi siá sṳ̂. Hàn-ha̍k-ke--hué kah ún3 phue̍h Tong-kok --kâi khue-kṳ́-chì-tōu phue̍h kàu ŭ-iáⁿ-ŭ-chiah, hāi --nâng⁎ siŏⁿ-tsò-tàⁿ Tong-kok-nâng nâng-nâng ŭ tha̍k-tsṳ. Tsōi-kâi hioⁿ-lí to ŭ phōiⁿ tsṳ-che kà che̍k-tshoh ta-pou-kiáⁿ pat-jī; sĭ-tàⁿ só-kà iā chiàⁿ lân-kúi teng --tiaⁿ4, liáu tsuan-mn̂g kà tsṳ-niôⁿ-kiáⁿ --kâi tsṳ-che li suà tshuē bô-hûn-iáⁿ. Ta-pou --kâi, peh-nâng lăi-pôiⁿ ŏi pat-jī --kâi siăng-ke che̍k-nâng; Tsṳ-niôⁿ --kâi, m̆-sǹg hṳ́-tshoh5 khṳh --nâng⁎ phì-siòⁿ --kâi tsṳ-niôⁿ-kiáⁿ hì-kiáⁿ, ŏi pat-jī --kâi uá m̆-pat tŏ Ki-tok kà-huĕ-ha̍k-hău guā-pôiⁿ thóiⁿ--kìⁿ-kuè. Kàu-kâi Tong-kok, ùiⁿ-tit che̍k-tshoiⁿ-kâi tsṳ-niôⁿ lăi-pôiⁿ ŏi pat-jī --kâi huáⁿ₊ tshuē bô che̍k-nâng.
Tùi eng-ióng a-sĭ tek_kau_buăng_tŏng --kâi tsṳ-niôⁿ-nâng --lâi --tàⁿ, i--nâng ŭ chhiâu-thêng phoi-tsún iā hó kah ta-pou-nâng pêⁿ-iōⁿ khí pâi-huang lâi seng-piáu6. Sĭm-chì i--nâng huáⁿ₊ ŭ-piàn khṳh --nâng⁎ thóiⁿ-tsò sîn-sian, in-ūi7 siăng lāu-jia̍t kah sì-tshù to ŭ --kâi sîn-biō tsōi-kâi sāi Má-tsóu, chí-ūi pó-hō thó-hái-nâng --kâi sîn-sian kah pa̍t-tshoh-kâi sîn-sian-niôⁿ nguân-tí lóng-sĭ huâm-sì_kan hŭ--nâng.
注：
- lâ-muāⁿ, 遍布；
- pòng-hong, 夸大；
- ún, 我们，此处采用作者所著词典中读法。现今部分地区读 uán[g]，原读 ún 的地区亦有变化为 ńg 者，后续篇章将沿用 ún；
- --tiaⁿ, 而已；仅此。声调符合平声轻声调或近似阳去，某些场合亦读 --niaⁿ；
- hṳ́, 那。存在 -ṳ́ 读法的部分地区有读 hí，后续篇章单用时将沿用 hṳ́；
- seng-piáu, 旌表；
- in-ūi，“因为”文读音；此词各地读音有差，此处按作者所著词典读音。
变更历史
| 更改日期 | 更改信息 |
|---|---|
| 2022-07-02 | seperate “kâi” & “–kâi”, though it’s almost the same for me. |
| 2022-06-24 | updated spelling of “loot” |
| 2022-06-23 | modified for style |
| 2022-06-17 | update pages & PUJ translation |
| 2022-06-15 | update PUJ articles and translation |
| 2022-06-14 | fix PagodaShadowsPage002.md |
| 2022-06-13 | update PUJ translation |
| 2022-06-13 | update PUJ translation |
| 2022-06-13 | update PUJ translation |
| 2022-06-13 | update PUJ translation |
| 2022-06-12 | fix PUJ translation |
| 2022-06-12 | added PUJ translation |