Kai-bûn tsa̍p-sì huè --hṳ́-ē, i tŏ hioⁿ-lí --kò tŏiⁿ-it-tsuā kìⁿ-tio̍h che̍k-kâi guā-kok tsṳ-niôⁿ. Ŭ lân-kâi nou-kiáⁿ che̍k-thóiⁿ-kìⁿ guā-kok tsṳ-niôⁿ kiaⁿ kàu kî_kî_kiò, liáu méⁿ-méⁿ tiàm --khí-lâi; put-kuè thóu-tsōi nou-kiáⁿ tuè i ka-chiah-ău kàu i thêng-tiām --kâi tshù-só --kò, liáu sang-ma̍k kim-kim tiām thóiⁿ i tŏ phue̍h-uē. Yi sang-ma̍k-jîn chheⁿ-lim-chheⁿ-lim, thâu-mô âng-âng, nou-kiáⁿ--hué thóiⁿ-tio̍h kiaⁿ-nâng kuài-kúi. Lân-kâi nou-kiáⁿ mn̄g-tàⁿ i sang-ma̍k-jîn kài-sĭ só-seⁿ chheⁿ-lim-chheⁿ-lim, a-sĭ khṳh i thò-sek --khṳ̀; lân-kâi mn̄g-tàⁿ i kài-sĭ ŭ-piàn thóiⁿ-kìⁿ mue̍h-kiăⁿ a bô; lân-kâi mn̄g-tàⁿ i kài-sĭ seⁿ-sêng hiá-ma̍k liáu ŭ-piàn thóiⁿ-thàng chhiôⁿ --a ----nô1. Che̍k-tshoh nou-kiáⁿ mn̄g-tàⁿ sĭ-mĭ₊ i--nâng kok-tōu tsn̂g-kâi seⁿ âng-mô; che̍k-tshoh li mn̄g-tàⁿ sĭ-mĭ₊ i lia̍h ka-kī che̍k-sin tǹg kâi-mīn pêⁿ-iōⁿ buah-hún buah kàu pe̍h-pe̍h. Che̍k-lân-kâi siŏⁿ-àiⁿ thàm-thiaⁿ-thóiⁿ in-hṳ́-kò sĭ-mĭ₊ ŭ chèng tiŭ-chhek, huan-kuah, kah tuā-chhiū; --ŭ-kâi li thàm-thiaⁿ tàⁿ in-hṳ́-kò sĭ-mĭ₊ pí Nńg-jî-kok lī chí-kò zú-kèng hn̆g, liáu, sĭ-mĭ₊ hái-tói siang-sît ŭ-nâng khiă-khí --hēⁿ. Ŭ-nâng li tàⁿ pat thiaⁿ-kuè --nâng⁎ phue̍h-tio̍h Eng-kok, tàⁿ hiá-tī-hng sĭ-kài tiàm tŏ huan-pôiⁿ, kah hṳ́-kò tsṳ-niôⁿ-nâng tsò huâng-tì. Guā-kok tsṳ-niôⁿ tsah liáu kuá₊-pńg-tsṳ, in-ūi Kai-bûn ŏi pat-jī, i chioh-liáu che̍k-pńg pun Kai-bûn, tshó-chhiàng tàⁿ tán Kai-bûn lia̍h chí-pńg-tsṳ thóiⁿ-liáu, kàu-sî i sàng ke che̍k-pńg pun Kai-bûn.

[Tŏiⁿ 2 chioⁿ liáu.]


注：

  1. ----nô, 二次轻声读法表疑问；无此习惯者仅读为一次轻声即可。


前页 目录


变更历史

更改日期 更改信息
2022-07-09 update comments
2022-07-08 add comments
2022-07-08 adjust punctuations and hypens, &etc.
2022-07-07 PagodaShadowsPage017-018.md complete
2022-07-07 add PagodaShadowsPage017-018.md