A-sì, tŏ i sin --kâi ke-lăi, bô-tsài pâi-hâng tŏiⁿ-sì. --Nâng kah i kói liáu kâi tsṳ-miâⁿ kiò-tsò Kai-bûn, ì-sṳ̀ sĭ “hàuⁿ-ha̍k_tsṳ-sṳ̆”; i --kâi seⁿ-ua̍h mih-iōⁿ-kâi to pí nguân-tsá hó kuè-tsōi, chheng lân-sî siàu-liām tio̍h kū-tsá tshù-lăi ŏi sim-kuaⁿ-thâu né tsa̍t-tsa̍t. Yi tŏ chí-kò ŭ kâi a-hiaⁿ, pêⁿ-iōⁿ --nâng⁎ siu-iáng --kâi; chí-tùi ang-chiá ka-kī bô kiáⁿ, tio̍h chhī kâi lâi tsò kiáⁿ, kuè-sin ău chiàⁿ ŭ-nâng sio-chîⁿ-tsuá khṳh --in. Tsṳ̆-tsá, A-sì che̍k-jît saⁿ-tǹg chia̍h huan-kuah1; liáu chí--ē, bí-pn̄g, hṳ̂, chheⁿ-tshài, tṳ-ne̍k, koi-gô-ah-ne̍k, i lóng-tsóng ŭ-hó chia̍h. Yi chhēng che̍k-sang nŏⁿ-kong-hun-kău --kâi tshâ-kia̍h, che̍k-sang chhiah-sek --kâi bue̍h2, khòu-kha ēng thian-lâm-sek --kâi si-tuà sok tŏ bue̍h-thóng téng-tsat. Yi-niáⁿ-hiûⁿ chí--ē iŭ tn̂g iŭ zû, kah tì liáu che̍k-téng ēng tn̄g tsò--kâi ou-bō. Yi iā khai-sṳ́ khṳ̀ tsṳ-che tha̍k-tsṳ --liáu. Yi--nâng --kâi thóiⁿ-tsṳ-huap, sĭ tùi nín ŏi kiò-tsò tsṳ-chheh --kâi “siăng-bué-hio̍h” khai-sṳ́ hian-khí, iû téng kàu ĕ che̍k-lît-che̍k-lît --kâi thóiⁿ, tùi iŭ-chiŏⁿ-kak(chiàⁿ-chhiú-pôiⁿ hṳ́-téng) thóiⁿ-khí, kàu tsó-ĕ-kak(tò-chhiú-pôiⁿ hṳ́-ĕ-kha) thóiⁿ-tît che̍k-hio̍h. Kà-tsṳ-sin-seⁿ soiⁿ tha̍k kúi-kù-tsṳ khṳh i thiaⁿ, liáu Kai-bûn tio̍h tuè i tha̍k. Tuè sin-seⁿ tha̍k-tît, i tò-tńg khṳ̀ ka-kī --kâi tsŏ-ūi, liáu kah pa̍t-tshoh ta-pou-kiáⁿ pêⁿ-iōⁿ, tuā-tuā-siaⁿ tiām tha̍k, tha̍k kàu ŏi it-tit chiàⁿ-hó hiah. Kuè-ău, i kiâⁿ-khṳ̀ sin-seⁿ kha--thâu, hui-tńg-sin kâi ka-chiah ǹg-tùi sin-seⁿ, liáu têng-huan(tsài-kò) chiŭ kì-tî tha̍k thâu-tsá sin-seⁿ kà --kâi hṳ́-kúi-kù-tsṳ. Kàu-pńg-tsṳ i--nâng lóng-tsóng chiòⁿ-seⁿ tha̍k-huap. Tán kàu i chia̍h iáu tuā --ē, sin-seⁿ chiàⁿ kah i káng-kói só-tha̍k tshoh-tsṳ --kâi ì-sṳ̀. Yi iā-ŭ o̍h siá-jī, soiⁿ lia̍h tsṳ-thiap thoih tŏ suan-tsuá ĕ-pôiⁿ, tsài ēng che̍k-ki ùn liáu ba̍k --kâi mô-pit tuè tsṳ-thiap lâi siá. Tán i o̍h kàu lĭm pit lĭm hó-sì kah chhiú ŭ-kàu ún --hṳ́-ē, i tsŭ chiŭ kì-tî tît-chiap-siá, mín-ēng tsṳ-thiap --liáu. Tŏ hiá tsṳ-che, i tsŭ kan-chĕng chiòⁿ-seⁿ thóiⁿ-tsṳ kah siá-jī, tha̍k tio̍h --jio̍h-tsōi-nîⁿ to-sĭ chiòⁿ-seⁿ-iōⁿ.


注：

  1. huan-kuah，番薯；亦叫 han-kuah, huan-tsṳ̂, han-tsṳ̂；
  2. bue̍h，袜子；部分地方读 gue̍h。


前页 目录 后页


变更历史

更改日期 更改信息
2022-07-07 PagodaShadowsPage016.md complete
2022-07-05 fix translation of “a black satin cap”
2022-07-05 half of the paragraph translated
2022-07-04 add PagodaShadowsPage016.md