PÓ-THAH SIÂ-YIÁᴺ (Tŏiⁿ 27 hio̍h)
TŎIᴺ 4 CHIOᴺ
PHUÂN-KIOK-KIÁU
Tŏ Tong-kok, tsṳ-niôⁿ phuân-kiok-kiáu1 hiá kha tī-seⁿ tîⁿ-huap, hiá ôi tī-seⁿ chhēng-huap, hiá nâng sin-hūn tsăi-seⁿ, tī-hng m̆-sio-tâng hiá chhêng-hêng iā tuā m̆-sio-tâng. Pù-kùi-nâng-ke tsáu₊-kiáⁿ tsōi-kâi la̍k-huè a-sĭ poih-huè-tuā tîⁿ-kha; khùn-khóu-nâng-ke --kâi, li-sĭ tŏ tsa̍p-saⁿ-sì-huè --sî. Yi--nâng hán-tit kìⁿ-tio̍h ŭ hiá tsa̍p-ngŏu-huè ta̍h-khí chiàⁿ tîⁿ-kha --kâi; sui-sĭ ŭ-nâng hong-siaⁿ tàⁿ-, ŭ kâi tsṳ-niôⁿ-kiáⁿ, khṳh in khiau-kiáⁿ-pĕ-âi tsṳ̆-sòi bōi pun --nâng⁎ tsò nôu-po̍k, liáu pĕ-âi huat-tshâi ău chhiú i tò-tńg, jī-tsa̍p-huè chiàⁿ tîⁿ-kha.
Tîⁿ-kha --kâi mue̍h-kiăⁿ bô-ēng thih a-sĭ tshâ tsò--kâi ôi, tuaⁿ-sûn ēng tn̂g-tn̂g zūn-zūn iŭ hó tsài-năi-la̍t --kâi pòu-tiâu. Nán tiām tàⁿ tio̍h kèng-ùiⁿ nńg-sèⁿ in-sù iáⁿ-hiáng mue̍h-kiăⁿ-sṳ̄ --kâi lêng-la̍t; ùiⁿ-tit nán bô-mih kháu-lṳ̆ tio̍h chí-tshoh in-sù tùi siăn kah ak pêⁿ-tâng ŭ hāu-la̍t. Uá pat thóiⁿ-kuè che̍k-tsâng hó-hó-chhiū pun tiâu sòi-sòi-khou --kâi tîn phuân-tuè liáu tshui kàu i ta liáu tó --khṳ̀.
Ēng-lâi tîⁿ-kha --kâi pang-pòu sĭ ēng sòi-keⁿ-pòu-kui chit --kâi, ŭ ngŏu-kong-hun khuah, saⁿ-bí-guā tn̂g.
Pang-pòu che̍k-thâu soiⁿ thiap tŏ kha-puâⁿ khò-lăi --kò;
tsài khan i pau-tuè sì-chiah kha-tsóiⁿ, lia̍h i ngĕⁿ túi kàu kha-tsóiⁿ tah-tio̍h kha-tói;
tsài khan kuè kha-pù, hâ tùi kha-puâⁿ téng-pôiⁿ, uat(ut) tùi kha-ău-teⁿ, tshut tuā-tuā-la̍t lia̍h kha-ău-teⁿ kah kha-tsóiⁿ tshui i siu-kṳ̆n, mue̍h kàu kha-puâⁿ kéng kâi ku, kha-tói nap kâi tuā-uh(khuh);
àn-chiòⁿ-seⁿ che̍k-în-chek-în tîⁿ kàu pang-pòu tsn̂g-kâi tîⁿ-liáu, pang-pòu-bué kah ĕ-mīn tîⁿ--tŏ-kò --kâi pang-pòu tsài tshó kàu khiàng-khiàng(khín-khín).
Kâi-gue̍h khiă-kha, sang-kha hăm(huăm) mīn-téng(mīn-chiōⁿ) --kâi pang-pòu, tsò-che̍k-ē chhiⁿ(chìm) lo̍h-khṳ̀ tháng sio-tsúi --kò.
Liáu-ău thiah-tiāu pang-pòu, sí-phuê lak-tiāu, mān-mān(khuaⁿ-khuaⁿ) lia̍h sang-kha nia̍p tsò àiⁿ --kâi hṳ́-kò-hêng, pe̍h-huân-bua̍h(mêng-huân-bua̍h) buah --khí-khṳ̀, liáu méⁿ-méⁿ ēng ta-tn̆g --kâi pang-pòu tsài tîⁿ --khí-lâi.
Nâ-sĭ pang-pòu khah-kú bô uāⁿ, hiá hueh ŏi kiâⁿ tùi kha --kò, liáu têng-huan tîⁿ tio̍h kiaⁿ-nâng thiàⁿ.
Tio̍h thĕng sang-kha khṳh pang-pòu tîⁿ kàu khiàng-khiàng liáu tau tio̍h né(tshó-lia̍k) tshâ-tshâ pì-pì m̆-tsai-ne̍k --hṳ́-ē, kha chiàⁿ thiàⁿ bô hiòⁿ tuā-la̍t.
注：
- phuân-kiok-kiáu, 特指女人缠脚。
变更历史
| 更改日期 | 更改信息 |
|---|---|
| 2022-07-08 | change some inelegant expressions |
| 2022-07-08 | PagodaShadowsPage027.md complete |
| 2022-07-08 | finish the second paragraph |
| 2022-07-07 | finish the first paragraph |
| 2022-07-07 | add PagodaShadowsPage027.md |