Tîⁿ-kha hṳ́-tiang-sî, chhiâng-chhiâng ŏi hiá ne̍k mî --khṳ̀ liáu tùi kha-tói lak --lo̍h-lâi. Lân-sî iáu-suà lak-tio̍h⁎ che̍k-lân-chiah kha-tsóiⁿ. Tú-tio̍h lak-kha-tsóiⁿ, kha tsŭ ŭ-piàn pí pa̍t-nâng zú-kèng sòi-chiah, liáu chiá ngiá-thóiⁿ sĭ tio̍h khóu-tio̍h⁎ ke kuá₊-kâi-gue̍h chiàⁿ uāⁿ --tńg-lâi --kâi. Chiá kha-thiàⁿ ŭ-thang thiàⁿ chiâⁿ-nîⁿ, liáu chiàⁿ kìⁿ-jît kìⁿ-jît tsua̍h, tán kàu tîⁿ liáu nŏⁿ-nîⁿ chìn-thò, sang-kha tǹg-kuè sí-ne̍k chiàⁿ bŏi-thiàⁿ.

  Tŏ chí-tn̄g sî-kan lăi, chiá tîⁿ-kha --kâi nâng tio̍h che̍k-sin phah-huêⁿ liáu pêⁿ-sin u̍t tŏ mn̂g-tshn̂g(mîn-tshn̂g) --kò, iû-tsăi sang-kha thūi nā phou-kîⁿ, chiòⁿ-seⁿ kha-uat tiâu sîn-keng-kṳn teh tio̍h phou-kîⁿ, hiá kha-thiàⁿ chiàⁿ iáu tsua̍h --kò-kiáⁿ. Tsŭ chiòⁿ-seⁿ, i sang-kha hiat-a-hiat, kah tiām kiò-khóu(hâiⁿ)1; liáu thih-chhìn(ngân) to mó kah-phuĕ, che̍k-ē kah-phuĕ liáu kha-chhiú che̍k-ē sio-lo2 hiá-thiàⁿ zú-kèng chia̍h-la̍t. Yi--nâng tàⁿ thiàⁿ-liáu jiân-tǹg thong-sin kut-tsat khṳh tsam puh--tio̍h pêⁿ-iōⁿ.

  Sang-kha tîⁿ --tŏ-kò, nâng bô-tit ēng kiâⁿ, tio̍h chiu-jît kìm nā pâng-koiⁿ-lăi; i nâ-sĭ àiⁿ suá-khui-suá-buâ, tsŭ lia̍h nŏⁿ-kâi kha-thâu-u kŭiⁿ tŏ nŏⁿ-chiah íⁿ-kiáⁿ téng, chiòⁿ-seⁿ sang-kha tsŭ bŏi tap tio̍h thôu-kha-ĕ, liáu kâi-nâng khi-sin ēng che̍k-pôiⁿ kha-thâu-u chia̍h-la̍t, sang-chhiú puaⁿ lĕng-guā che̍k-pôiⁿ kha kah íⁿ-kiáⁿ tsò-che̍k-ē tùi tsôiⁿ --khṳ̀.

注：

  1. 此处类似 aiⁿ-aiⁿ-tshan, hng-hng-tshan 之类词语似不甚切合，权且按 “叫苦” 处理。而替代说法 hâiⁿ, 表示极大声呻吟（或叹息），仅存在于部分地区，常见组合于 hâiⁿ-sîn-tháu-tuā-khùi；
  2. sio-lo，微温。此词读法取自作者所著词典，译者处读为 sio-la，或用 lâ-lûn。


前页 目录 后页


变更历史

更改日期 更改信息
2022-07-11 add internal comments about “chia̍h-la̍t”
2022-07-11 PagodaShadowsPage028.md complete
2022-07-08 add PagodaShadowsPage028.md