Kheh-ke tsṳ-niôⁿ bô tîⁿ-kha; i--nâng chhiâng-sî tŏ tshù-guā tsoh-khang-khuè, seⁿ-ua̍h kōi-kuè mín khau-peh(ha̍uh-peh). Chí-tshoh-nâng chiá hó--kâi hong-so̍k suà iáⁿ-hiáng tio̍h i--nâng sio-keh hioⁿ-lí; chí-tshoh hioⁿ-lí --kâi hioⁿ-ĕ-tsṳ-niôⁿ iā-bô tîⁿ-kha. Tŏ Tiê-chiu --kâi che̍k-tshoh hioⁿ-lí-kiáⁿ --kò, tîⁿ-kha --kâi hong-so̍k iā zú-lâi zú-chió-nâng tuè(sĕng) --liáu. Che̍k-tshoh hioⁿ-lí-kiáⁿ --kò, jī-tsa̍p-nîⁿ-tsôiⁿ hiá tsṳ-niôⁿ tsn̂g-kâi tîⁿ-kha, hīn-tshṳ́-tsăi bô-nâng tsài lia̍h ka-kī --kâi tsáu₊-kiáⁿ khṳ̀ tîⁿ-kha --liáu. Chí-hō-kâi tsṳ̆-tsăi bô-hó-tshái chheng kah Kheh-ke sio-kiam-kài hiá hioⁿ-ĕ tī-hng chiàⁿ ŭ--tit. Tŏ siâⁿ-chhĭ kah tuā-tī-mīn --kò, hiá tsṳ-niôⁿ-nâng, tṳ̂-liáu nôu-po̍k kah kòu-kang tshoh-kâi, nâng-nâng sang-kha huán-hêng.

  Tîⁿ-kha chiá mue̍h-kiăⁿ-sṳ̄ kah siă-huĕ-kai-tsân bô-mih siang-kan, tò-sĭ kah kŭ-thí tī-hng iáu-tuā kuan-hĭ. Uá-kṳ̆n hái-kîⁿ-kha, nâng thih-khiau, sĭm-chì tsoh-lông --kâi, hiá tsṳ-niôⁿ-nâng iā kâi-kâi tîⁿ-kha. Chiá-mue̍h-kiăⁿ-sṳ̄ iā m̆-sĭ lia̍h-lâi tsò miâⁿ-sek-tói --kâi, in-ūi hiá siăng tshou-phue --kâi iā tsōi-kâi tîⁿ-kha. Yi iā m̆-sĭ tsún-zû i--nâng ŭ-chîⁿ --kâi, in-ūi tŏ sĕng-kiâⁿ chí-chéng hong-so̍k --kâi tī-hng, hiá siăng bô-chîⁿ --kâi iā sio-tuè tîⁿ-kha. Kè pun --nâng⁎ tsò jī-nâng --kâi, nâ-m̆-sĭ nguân-tsá tŏ hṳ́-ke-nâng --kò tsò a-huân --kâi, tsōi-kâi iā tîⁿ-kha. Lia̍h tshuân Tong-kok tsò-che̍k-ē sǹg-lo̍h, ùiⁿ-tit hiá tsṳ-niôⁿ-nâng ŭ tîⁿ-kha --kâi chiàm-tio̍h⁎ ŭ káu-siâⁿ.

  Chí-chéng hong-so̍k tsṳ̀-seⁿ(tsuàⁿ-seⁿ) hiá ak-sèⁿ hīn-siăng kuè-tsōi. Yi chiau-tsat(tsau-that) kàu che̍k-uê-nâng kuáiⁿ-kha-chhiăng-chhiú, liáu khùn-khóu-nâng-ke seⁿ-ua̍h zú-kèng taⁿ-tăng-tàⁿ. Yi chhîp-at liáu hiá tsṳ-niôⁿ-nâng tsò-che̍k-ē bô-piàn ka-kī ióⁿ-ua̍h ka-kī kah nou-kiáⁿ, chiá-kâi sĭ sì-tshù ŭ hāi-sí nou-kiáⁿ hiá hīn-siăng --kâi in-iû tsṳ-che̍k. Yi tău-tì hiá tsṳ-niôⁿ-nâng nńg-chiáⁿ kàu bô-piàn siu-sàu tshù-lăi, mue̍h-kàu tshù-lăi thong-koiⁿ chhi-gî-chhi-tak, zṳ̂-thâu-tin-tò. Yi pé-pa̍k liáu hiá tsṳ-niôⁿ-nâng bô-piàn tshut-mn̂g, lia̍h i--nâng kah i--nâng --kâi thâu-náu só-sí tŏ khih-kiáⁿ-tuā --kâi huăm-ûi lăi. Tsò-nî ŏi ŭ-nâng tuè chiá ṳ̀-tsṳ̀ ak-sèⁿ --kâi mue̍h-kiăⁿ-sṳ̄, chí-kâi mn̄g-tôi iā-sĭ nâng-lūi siâ-phiah mĭ-tôi tsṳ-che̍k. Bô lu̍t-lī kui-tiāⁿ tsṳ-niôⁿ-nâng tio̍h tîⁿ-kha, liáu Pak-kiaⁿ hiá huâng-keng --kò --kâi tsṳ-niôⁿ-nâng lóng-tsóng bô tîⁿ-kha. Chiá-hong-so̍k sĭ-kài tī-seⁿ tshut-tshú, nîⁿ-ko khah-tn̂g, bô-nâng ŏi tsai.

  Uá thiaⁿ--kuè hiá lí-iû lăi-tói siŏⁿ-tio̍h ŭ-iáⁿ --kâi, tsōi-kâi tàⁿ hiá tsṳ-niôⁿ-nâng nâ-sĭ sang-kha kah ta-pou-nâng pêⁿ-iōⁿ tuā-sang tio̍h khṳh --nâng⁎ chhiò huáⁿ₊ tio̍h --nâng⁎ phì-siòⁿ; pat ŭ kâi ta-pou-nâng kah uá tàⁿ-, hiá tsṳ-niôⁿ-nâng ngĕⁿ-hóuⁿ tio̍h tîⁿ-kha, bô_li i--nâng ŏi kah in-ang pêⁿ kiāⁿ-sin, liáu tsŭ bô-piàn phah kàu i--nâng kiò-m̆-káⁿ --liáu.

  Put-kuè, --nâng⁎ bô-chiàu chiá hong-so̍k lâi-kiâⁿ --hṳ́-ē, chhiâng-chhiâng tsṳ-niôⁿ-nâng tin-tò pí ta-pou-nâng zú-kèng m̆-hàuⁿ. Tong-kok tsṳ-niôⁿ-nâng it-tshám sĭ seⁿ bô tau₊-kiáⁿ, jī-tshám sĭ kah i--nâng tshù-piⁿ miāⁿ-keh m̆-sio-tâng. Hṳ́-tshoh phōiⁿ-miāⁿ àiⁿ-ngiá --kâi nâng chiàⁿ mue̍h-ŏi-tit-tshut hiá siăng sòi-chiah --kâi kha-kiáⁿ, liáu lia̍h tîⁿ-kha-pòu ngĕⁿ-tît tshui kàu ân-ân, liân pa̍t-nâng to m̆-káⁿ tshui tǹg i hiòⁿ tuā-la̍t. Pa̍t-mih-mue̍h hí-hèng kàu ke̍k-tì, tsóng-ŭ buâng-miāⁿ --kâi, m̆-chheng tsong-kà chí-iōⁿ-kâi.

[Tŏiⁿ 4 chioⁿ liáu.]


前页 目录


变更历史

更改日期 更改信息
2022-08-02 adjust translation of “infanticide”
2022-07-22 PagodaShadowsPage031-032.md complete
2022-07-21 finish the third paragraph
2022-07-21 add internal comment and change the translation of “bond-maids”
2022-07-20 finish the second paragraph
2022-07-19 finish the first paragraph
2022-07-14 add PagodaShadowsPage030-032