Siáu-khiáu-kha --kâi, kiâⁿ-lōu tio̍h che̍k-chhiú huāⁿ piⁿ--thâu nou-kiáⁿ --kâi koiⁿ-thâu a-sĭ kṳ̂ ki kuáiⁿ-chiăng. Hṳ́-tshoh ŭ-chîⁿ --kâi, che̍k-tsăm-kiáⁿ-lōu iā kiò kâi tuā-kha-nôu-pĭ iăng(iă) i lâi-lâi-khṳ̀-khṳ̀. Uá pat khṳ̀-kuè che̍k-ke ŭ-chîⁿ-nâng-ke --kò, liáu in tshù-piⁿ-thâu-bué hiá hu-jîn--hué lóng che̍k-nâng khiâ che̍k-kâi nôu-pĭ lâi thóiⁿ --uá. Uá pat khṳ̀-kuè che̍k-ūi tshù-lăi kuè-ngiá --kâi hu-jîn --kò, chí-ūi hu-jîn sĭ uá kìⁿ--kuè kak-kok-nâng hṳ́-tói siăng ŭ-kheh-chhêng --kâi nâng; put-kuè i sang-kha khah-sòi, siăng-hn̆g tsŭ-sĭ kiâⁿ kuè-khṳ̀ sio-keh-pâng-koiⁿ --kò, liáu tŏ tuā-lí-chio̍h tsng-thiaⁿ kiâⁿ bô-kúi-pōu tsŭ-tio̍h tsŏ lo̍h-lâi hiah-he̍k. Uá pat thóiⁿ-kuè ŭ-nâng kha-tói tn̂g-sì chiàⁿ ngŏu-kong-hun --tiaⁿ, i--nâng sang-ôi huáⁿ₊ bô kâi tshut-sì-nou-kiáⁿ --kâi hiòⁿ tuā. Tio̍h hiá ke-sṳ̄ kuè-ŭ --kâi chiàⁿ năi-ŏi-tit-khṳ̀ chiá chhi-liâng(chhi-lău-tshám) kha-kiáⁿ tǹg ŭ-lián-mīn, sĭ-tàⁿ chiòⁿ ŭ-ke-sṳ̄ --kâi to bŏi-tsōi.

  Ke-sṳ̄ tong-pān-tong-pān iŭ tîⁿ-kha --kâi tsṳ-niôⁿ-nâng, lân-sî che̍k-jît tio̍h kiâⁿ-tio̍h⁎ che̍k-nŏⁿ-phòu-lōu. Che̍k-tshoh tsṳ-niôⁿ-nâng thóiⁿ-tio̍h ŭ-tîⁿ-kha --kâi sang-kha li iáu khuah-pán(khuah-phiáng), tuaⁿ-tī chhēng-liáu jiân tîⁿ-kha-khuán --tiaⁿ. Che̍k-tshoh hioⁿ-lí --kò, hiá tsṳ-niôⁿ-kiáⁿ sin-hun-tsôiⁿ ké-ì zuăn --tîⁿ-ē-kha, liáu tuā-lói kiâⁿ--kuè tsŭ méⁿ-méⁿ pit-pak-tiāu. Che̍k-tshoh hioⁿ-lí-kiáⁿ --kò, tsṳ-niôⁿ-nâng kâi-kâi tuā-kha, kiâⁿ-hn̆g-lōu kah ĕ(lŏm) khoi-tsúi lóng pak-chhiah-kha; liáu khṳ̀-kàu koi-chhĭ a-sĭ lîm-tshún tsò-tsoih, i--nâng tsŭ lia̍h sang-kha pau --khí-lâi, ke-kiám pun --nâng⁎ thóiⁿ-tio̍h iáu chiàⁿ-keng --kò-kiáⁿ.


前页 目录 后页


变更历史

更改日期 更改信息
2022-08-01 fix another expression of “helpless”
2022-07-21 update changelog of PagodaShadowsPage030.md (INGORE_CHANGELOG)
2022-07-21 remove the rare expression of “only” which might come from affecting by Mandarin
2022-07-21 add comment and adjust tone of translation of “support”
2022-07-18 add translation for “helpless”
2022-07-15 PagodaShadowsPage030.md complete
2022-07-14 add PagodaShadowsPage030-032