TŎIᴺ 10 CHIOᴺ

SI-MĔNG TSÀU-SÎN

Chí-kâi tī-hng só-pài sîn-lêng kuè-tsōi. Tuā --kâi keng-biō sāi hiá sîn-siòⁿ iŭ tuā iŭ tsōi, hiá piah-kham --kò kou-tuaⁿ pái kò sîn-tsú-pâi iā-sĭ sîn; Hioⁿ-tshng, suaⁿ-tsúi, sì-tshù to-ŭ ka-kī --kâi sîn-lêng; khà-lûi, lo̍h-hŏu, ngóu-kok siu-sêng, kim-ba̍k-tsúi-hué-thóu, lóng-ŭ thóiⁿ-m̆-kìⁿ-lia̍h-m̆-tio̍h --kâi sîn-mêng kuán-hat; hiá sí--khṳ̀ --kâi buâng-lêng, i--nâng hiá lău-tsóu zú-kèng sĭ tsun-tsò sîn-mêng; tṳ̂-liáu chí-tshoh-kâi, hiá kúi-kúi-kuài-kuài kah siŏⁿ-m̆-pat-kò-khṳ̀ --kâi mue̍h-kiăⁿ-sṳ̄ lóng-tsóng ŭ-nâng pài. Hiá-hêng iáu ku-kuài --kâi chio̍h-pŏu, pha-lâi-phuân-khṳ̀ --kâi chhiū-kṳn, seⁿ-tsò khî-huàn --kâi tshâ-sāi, éng ko̍p--lâi --kâi mue̍h-kiăⁿ, lóng-tsóng pài-tsò sîn-mêng. Ŭ che̍k-kâi thó-hái-nâng khioh-tio̍h che̍k-tu sio-liâm tsò-che̍k-ē --kâi ham-khak, --nâng⁎ thóiⁿ-tio̍h⁎ hiá-hêng tǹg chiah-sai, liáu kàu-taⁿ kúi-tō-nâng lóng sāi tŏ in-lăi --kò pài. Tŏ hiá khoi-kîⁿ --kò, kàu-phŏ-tek khṳh nâng khóm-tiāu, hiá nguân-tí khang-khak --kâi tek-kóng in-ūi kṳn-tsat khip-tsúi liáu tsŏ kàu-ē tsúi. Chiá-kâi i--nâng iā sîm-tio̍h⁎ ŭ-sîn-chiah, liáu che̍k-tuā-thua nâng-khûn sio-lûn tŏ chí-phŏ-te̍k thâu-tsôiⁿ sio-hioⁿ kah kŭiⁿ-pài hṳ́-kò --kâi sîn-mêng.

Hṳ́-tshoh-kâi iáu-chiàⁿ --kâi sîn-mêng to-ŭ seⁿ-jît; tṳ̂-liáu hiá seⁿ-jît --sî --nâng⁎ tsuan-kang pài --in, hông-tio̍h tuā-tsoih, chhiu-it tsa̍p-ngŏu, lóng ŭ-nâng pài.

Tsōi-kâi tsú-sîn tŏ i--nâng tshù-lăi to-ŭ sāi sîn-siòⁿ, liáu hiá-nâng iā chhiâng-sî tùi keng-biō --kò chhiáⁿ--lâi --kâi hioⁿ-lôu-hu pái tŏ sîn-siòⁿ thâu-tsôiⁿ --kò pài. Liáu, tŏ chí-tshoh-kâi liām-sîn-pài-hu̍t i--nâng hṳ́ tshù-lăi --kò, pa̍t-tī-kâi sîn-mêng lân-sî ŏi tshuē-bô, to̍k-to̍k Si-mĕng-kong1 bŏi tshuē-bô. Yi sĭ kuán-hat tsàu-suaⁿ-thâu --kâi sîn-mêng, nâ-sĭ bô --i, ke-lăi-khang-khuè bô-nâng káⁿ tsoh. --Nâng tsun-hŏng i tsò sîn-mêng ŭ-tio̍h⁎ káng-peh-nîⁿ --liáu, nâng-nâng ŏi tsai i --kâi thuân-sueh(kóu-thuân).

注：

原文为 “Su Meng Kong”，此处结合作者所著词典拟为 Si-mĕng-kong（司命公），现今各地各有变读。

目录后页

变更历史

更改日期	更改信息
2022-07-31	change expressions of a few words
2022-07-27	change expressions of a few words
2022-07-27	PagodaShadowsPage061.md complete
2022-07-25	add PagodaShadowsPage061.md