Ŭ kâi ta-pou, ke-lăi khiau-kêng, tshuā-bóu bô-kú tsŭ huat-tshâi, liáu lia̍h tuà-pun i hok-khì --kâi bóu mìn-mài-tiāu; hṳ́-tiang-sî in-tsôiⁿ-bóu tŏ koi-lōu liû-tōng, tú-ngŏ kiâⁿ kàu che̍k-koiⁿ tsháu-liâu --kò, tsháu-liâu sì-ûi bô-nâng-in, chheng kâi lău-ta-pou tsŏ --tŏ-kò. Yi lia̍h ka-kī hiá chhi-tshám-sṳ̄ phue̍h khṳh chí-kâi lău-ta-pou thiaⁿ, lău-ta-pou thiaⁿ-liáu kiò-tàⁿ kè--pun-i. Chí-tùi ang-chiá tsŭ tsò-pû khiă-khí tŏ tsháu-liâu --kò, liáu lău-ta-pou suà heng-sĕng huat-tuā-tshâi, tsŭ khí liáu koiⁿ tuā-tshù-the̍h. Ke-lăi lôu-tsàu kih puàⁿ-kue̍h, ŭ kâi ta-pou lâi-kàu mn̂g-kha-kháu khṳt-chia̍h, liáu i jīn-tio̍h⁎ kài-sĭ i--kâi tsôiⁿ-ang. Yi taⁿ-chiàⁿ khio̍h chîⁿ-ngṳ̂n pun hṳ́-kâi tsôiⁿ-ang, hīn-sî --kâi ang tsŭ tńg--lâi, liáu tsôiⁿ-ang méⁿ-méⁿ tsáu-khṳ̀ tiàm nā tsàu-khang --kò, tsṳ̆-tshṳ́ bô-hûn-bô-iáⁿ. Tsŭ chiòⁿ-seⁿ, chí-kâi ta-pou pìⁿ-tsò sîn-mêng, kàu-taⁿ kiò-tsò Si-mĕng-kong. Che̍k-tshoh nâng-ke bô sāi i--kâi sîn-siòⁿ, liáu sio-lâi kèng--i --kâi hioⁿ-ki tît-chih tshah tŏ in-tâng hiá phāng-khiah --kò. Tsōi-kâi nâng-ke tŏ tshù-lăi --kâi tsú-pâng sāi i--kâi sîn-siòⁿ. Yi--kâi seⁿ-jît sĭ lông-le̍h chhit-gue̍h-tsa̍p-sì, hṳ́-jît kak-ke-kak-hŏu lóng tŏ ka-kī tshù-lăi pài --i. Kàu lông-le̍h tsa̍p-jī-gue̍h-jîh-sì, hiá sîn-mêng nguân-tí lóng-tsóng hiah tsa̍p-jît, --nâng⁎ li sio tsuá-bé khṳh i hó khiâ-khṳ̀ thiⁿ-téng pín-pò hṳ́-che̍k-nîⁿ nâng-sì_kan --kâi tuā-jī-sòi-sṳ̄. Sin-nîⁿ thâu-kúi-jît kâi-kâi tsàu-suaⁿ-thâu tiám ki teng to̍h--tŏ, sĭ-kài-tàⁿ bô-lŭn i tī-tiang-sî tńg--lâi, hṳ́-ke-nâng lóng tŏ tán --i. Ke-lăi hiá kiáⁿ-tĭ tshut-mn̂g liáu kui-ke, kìⁿ-kuè pĕ-bó ău, tsŭ-tio̍h khṳ̀ pài Si-mĕng-kong. Nâ-sĭ tsṳ-niôⁿ-nâng chhī ŭ tuā-pûi-tṳ, i ŏi kui-kong sîn_pó-hō, liáu chiah-tṳ kè-tît tsŭ tsún-pĭ mue̍h-kiăⁿ lâi tap-siā --i.

  Ke-lăi hiá lău-pĕ kuè-sin liáu kiáⁿ-tĭ àiⁿ pun-ke --hṳ́-ē, tuā-kiáⁿ tit Si-mĕng-kong --kâi sîn-siòⁿ, jī-kiáⁿ tit pài Si-mĕng-kong --kâi hioⁿ-lôu, tshûn--kâi che̍k-nâng tit che̍k-na̍k hioⁿ-lôu-hu. Liáu, kak-nâng tsài póu-ke pa̍t-tshoh-kâi pài-sîn khiàm-khueh --kâi mue̍h-kiăⁿ, tŏ i--nâng tshù-lăi sāi hó sîn-siòⁿ; tsṳ́ saⁿ-tǹg-chia̍h, soiⁿ tio̍h pài Si-mĕng-kong.


[Tŏiⁿ 10 chioⁿ liáu.]



前页 目录


变更历史

更改日期 更改信息
2022-08-01 PagodaShadowsPage062-063.md complete
2022-07-27 add PagodaShadowsPage062-063.md