TŎIᴺ 16 CHIOᴺ

MUÁᴺ-TĪ-KÒ-KHṲ̀

Tŏ Tong-kok lâm-hng, àiⁿ khṳ̀ móng tī-kò, --bô_li-sĭ kiâⁿ-lōu, --bô_li-sĭ tah-tsûn a-sĭ tsŏ-kiō; jīm lṳ́ suán tī-iōⁿ, kâi-cheng-thâu thuaⁿ-ûn tsóng khṳ̀ bô-kàu che̍k-phòu-lōu hn̆g. Siu-sîp hêng-lí tio̍h tsai tsah phuĕ-chhio̍h kah chia̍h--kâi, liáu⁎ tī-seⁿ khṳ̀-huap tio̍h soiⁿ phah-pheⁿ hó-sì, ṳ̆-huâng lân-sî jît_àm tshuē bô nâng-ke. Hiá tsûn --kâi seⁿ-tsò, tiâu-tiâu-hô --kò m̆-sio-siăng, tâng siăng kán-tuaⁿ hiá tek-pâi kàu phâi-chhiâng --kâi phâng-tsûn, mih-iōⁿ-kâi ŭ. Ŭ che̍k-hō tsûn kiò-tsò “Kheh-ke-tsûn”, tsŏ tio̍h⁎ su-ho̍k tsăi, tuā-sòi tong-pān-tong-pān, chhiâng-sî sĭ tsûn-téng ŭ ngŏu-kâi hué-kì. Chiá tsûn ēng sam tsò--kâi, tsa̍p-ngŏu-bí tn̂g, nŏⁿ-bí-puàⁿ khuah, tsûn-tshng chiâⁿ-bí chhim, kúi-tiâu tshâ-pang pŏng-tsò tsûn-khàm(pŭn-mīn1). Tsûn hṳ́ tìn-tang(ta-ng) keh-tsò nŏⁿ-koiⁿ, kûiⁿ kàu ŭ-piàn khiă-nâng, téng-khàm ēng bîh-ki kap tiâm-tek-hio̍h pĭⁿ-tsò tò-khap-ôu; saⁿ-phìⁿ keh-chhiôⁿ chhiâng-sî tiau-khek ŭ hiá m̆-tsai mih-mue̍h-kiăⁿ, liáu⁎ iû kàu ngiá tsăi. Tsûn-bué hṳ́-ki-chióⁿ seⁿ-lâi khuah-phiáng-khuah-phiáng, tshng tuè bué-ûi-thiău ĕ-kha --kâi tāng tǹg-tsò chióⁿ-khau, kṳ̂ tshut tsûn-ău ŭ chiâⁿ-saⁿ-bí. Tsûn-thâu khiàu-teng, liáu⁎ kiă-sià-kiă-sià chih lo̍h-khṳ̀ lī ŭ tsha-m̆-to nŏⁿ-bí kûiⁿ hṳ́ tsûn-khàm --kò; tsûn-kang--hué thǹg-chhiah-kha kiâⁿ kàu tsûn-thâu, liáu⁎ hui-tńg-sin kiâⁿ tò-tńg, kâi-kâi ēng tek-ko tsah-la̍t, hiá thâu tsha-m̆-to tò-chèng; tek-ko che̍k-thâu tú-tuè tsûn-kang --kâi koiⁿ-thâu, che̍k-thâu tú-tuè khoi-tói hiá sua --kò. Tsŭ chiòⁿ-seⁿ, tsûn-kang kiâⁿ jio̍h-hiông, tsûn tsŭ tùi-tsôiⁿ sái tǹg tsûn-kang che̍k-uê hiòⁿ-hiông; tsûn-kang kiâⁿ jio̍h-hn̆g, tsûn tsŭ sái-chìn i che̍k-uê hiòⁿ-hn̆g. Chhim-tsúi --kò, tsûn-kang ēng soh pa̍k-tuè tsûn --kâi tuā-ûi, liáu⁎ tùi khoi-kîⁿ sang-pôiⁿ chhiâu2 kiâⁿ chhiâu túi chiah-tsûn sái-kiâⁿ; bô_li-sĭ tsûn-kang khiă tŏ chióⁿ hṳ́ piⁿ--thâu chhin-chhiŏⁿ Ui-nî-sṳ-nâng hiòⁿ-seⁿ kò-chióⁿ. Nâ-sĭ sŭn-huang, in tsŭ lia̍h tsûn-téng --kâi tek-kè pái-khiă, liáu⁎ ēng pòu-phâng phi-khui khuà-tuè tek-kè mīn-chiōⁿ. Che̍k-tuā-khûn tsûn tsò-che̍k-ē sái-kiâⁿ, kiaⁿ-nâng lāu-jia̍t; sĭ-tàⁿ hiá-tsûn chhiâng-sî kah Yì-tăi-lĭ khṳt-chia̍h sin_chhēng hiòⁿ-seⁿ, jī-ke iŭ phuà iŭ chhi-gî. Tsûn-tăi che̍k-ē háu, kò-chióⁿ --kâi tsŭ tuè i háu, hiá siaⁿ-sàu kài-sĭ ŭ-kàu kuài-kúi kah ke̍h-hĭⁿ; chiòⁿ-seⁿ háu-huap sĭ àiⁿ poh-mōⁿ i ŭ-huang. Hiá tsûn tī-seⁿ sái-huap sui-sĭ hiòⁿ tsōi-iōⁿ, tah-tsûn huáⁿ-sĭ kuè mān; sĭ-tàⁿ-, nâ-sĭ tah tio̍h hiá-tsûn ŏi sin bŏi seⁿ tshâ-thâng; liáu⁎ chèng-nâng tsṳ́-chia̍h sì-tît hiá-hué mue̍h-kuè bŏi seⁿ in; liáu⁎ bô-nâng kuh a-phiàn; liáu⁎ tsûn-kang--hué bô tŏ tsûn-tshng sat hiá tshàu-hiàn mue̍h-kiăⁿ lâi thàn sai-khia; liáu⁎ hiá tio̍h-ēng--tio̍h mih-iōⁿ-kâi to an-pâi pīn-pīn; ŭ-piàn chiòⁿ-seⁿ, tah-tsûn tio̍h kuè sim_sek.

Tah-tsûn tshut-mn̂g hiá-nâng tît-chih tŏ tsûn--kò keh-mêⁿ; Tsŏ-kiō tshut-mn̂g --hiá-nâng li tio̍h tshuē kheh-tiàm lâi hiah-khiă; liáu⁎ hiá kheh-tiàm pâng-koiⁿ-lăi chheng-ŭ mn̂g-tshn̂g kah piⁿ--thâu ēng-lâi tsṳ́-chia̍h --kâi hué-lôu --tiaⁿ. Chhiâng-sî thóiⁿ--tio̍h --kâi sĭ nŏⁿ-nâng kng che̍k-téng-kiō; nâ-sĭ tsŏ-kiō --kâi khah tuā-thn̄g, che̍k-ē-kiáⁿ tsŭ-tio̍h --nâng⁎ hiah-tiām, liáu, --nâng ŏi thàu i tàⁿ-, ŭ-hok-khì hiá-nâng tsŏ-kiō kài-tio̍h ēng saⁿ-nâng lâi kng-kiō. Kng-kiō --kâi tsōi-kâi sĭ tŏ Tong-kok hiá siăng tshou-phue --kâi nâng; i--nâng tuā-siaⁿ-peh-âu kah ngiàn pōu-sái-pōu-jiō, mue̍h kàu --nâng⁎ tshut-mn̂g tú-tio̍h chí-tshoh-nâng bô-che̍k-ē-kiáⁿ tsŭ siŏⁿ-tio̍h⁎ chiá lu̍t-lī kui-tiāⁿ i--nâng saⁿ-tō-nâng tsn̂g-kâi bô-tit hù-kháu kài-sĭ ha̍h-chhêng-ha̍h-lí3.

注：

pŭn, 船舱；现较少用，或见于 khuah-pŭn 等词。 pŭn-mīn, 甲板；现较少用，部分地方更常用 tsûn-po[-mīn] 等；
chhiâu…chhiâu…, 一边…一边…；该用法现今仅适用于部分地方，最早记录见于 1888 年圣经白话字译本《创世记》，而部分地方更常用 tshâ-li…tshâ-li… 或 khuaⁿ-nî…khuaⁿ-nî… 等等；
据说，清朝律法规定贱民贱役者三代不得入试。

96%

上图取自《姑苏繁华图》

目录后页

变更历史

更改日期	更改信息
2023-07-12	fix translation of “shut off”
2023-06-28	finish PagodaShadowsPage080-081.md
2023-06-26	finish translation of the first paragraph
2023-06-25	translated more of the first paragraph
2023-06-16	init PagodaShadowsPage080-081.md