Tah-tsûn hăm kòu-kang che̍k-jît só-hùi chhit-chîⁿ, tsŏ-kiō li che̍k-phòu-lōu sǹg che̍k-chîⁿ-puàⁿ. Kiō bô-piàn pâi-tiang-sî àiⁿ tsŏ tsŭ-ŭ. Tsûn chhiâng-sî tio̍h ta-pou-nâng tsò-pû chiàⁿ ŭ-hó tsŏ--tit, kan-chĕng tsṳ-niôⁿ-nâng lân-sî liân tsûn to bŏi₊-tit khí. Uá --ŭ-che̍k-mêⁿ tùi Suaⁿ-thâu-pou --kâi tōu-thâu1 tńg-khṳ̀ tshù, tú-tio̍h thêⁿ-thâu-huang2 kah éng chheⁿ-lím ka̍p(ko̍p)--kuè-lâi. Kah huang-éng piàⁿ-poh kàu haⁿ-hun-àm, tsûn-kang--hué tàⁿ tsûn àiⁿ sái-kiâⁿ bô-huap, tio̍h sái khṳ̀ buâ sua-phiâⁿ --hó, liáu⁎ tán kàu tńg-huang-tńg-lâu chiàⁿ-lâi kiâⁿ. Bô-i-piàn, sĭ tŏ hṳ́-kò khóu-tio̍h⁎ kàu-mêⁿ, a-sĭ kiò chiah hiá kò-chióⁿ ŭ-kàu la̍t-thâu --kâi tsûn-kiáⁿ liáu⁎ tsài uá kuè tshûn--lo̍h-lâi hṳ́ chiâⁿ-saⁿ hái-lí, nŏⁿ-iōⁿ uá tio̍h suán che̍k-iōⁿ. Tng-sî, che̍k-thóiⁿ-kìⁿ ŭ chiah tiòⁿ-hṳ̂-tsûn, uá tsŭ tsú-ì tàⁿ kiò i kuè--lâi; keh che̍k-khùn-kiáⁿ, saⁿ-kâi pûi-tsàng-tuā-kiāⁿ --kâi kò chiah phuà-tsûn-kiáⁿ tsŭ sái --kuè-lâi. Sṳ-niôⁿ lâi sṳ-niôⁿ khṳ̀, bué-chhiú(kiáu-bué) i--nâng tâng-ì tàⁿ tsài che̍k-nâng khṳ̀ uá-àiⁿ-khṳ̀ hṳ́-kò tio̍h tshut nŏⁿ-chîⁿ. Yin sái buâ--lâi, liáu⁎ uá taⁿ-chiàⁿ kiâⁿ tshut kheh-tshng, tsŏu-jiân hṳ́-chiah phuà-tsûn-kiáⁿ tsŭ sop_che̍k-kiò tsò-i kò --khui-khṳ̀; hiá kò-chióⁿ --kâi sio-tàu jiáng-tàⁿ-, “Kài kâi guā-kok tsṳ-niôⁿ! Kài kâi sin-seⁿ-niôⁿ! Kài kâi tsṳ-niôⁿ-nâng!” Jīm lṳ́ khṳ̀ tshut tio̍h⁎ jio̍h-tsōi-ngṳ̂n to bô-piàn kiò in tńg--lâi. Yin tsò-nî ŏi kiaⁿ liáu⁎ sop_che̍k-kiò tsò-in tsáu, i--nâng tàⁿ kàu ŭ-iáⁿ-ŭ-chiah; tàⁿ nâ-sĭ tsài tio̍h tsṳ-niôⁿ-nâng, sĭm-chì sĭ tsṳ-niôⁿ-kiáⁿ-nî, tsài bô che̍k-ē-kiáⁿ tsŭ tio̍h hāi in kuè-ău hoh-tsōi-jît lia̍h bô hṳ̂. Hó-tit tng-sî ún sái-kṳ̆n sua-phiâⁿ --tŏ; liáu⁎ kah uá hṳ́-kâi sio-pat hoh-kú iŭ zû-sṳ-zû-iú --kâi tsûn-tăi tsò-pû, ún méⁿ-méⁿ puâⁿ-suaⁿ tńg-khṳ̀ tshù.

注：

  1. 原文作 “station”，若译作 lōu-tsăm 或 iâⁿ-tī 之类似乎亦不甚妥当，故此略作修改，可能与原文意思存在出入；
  2. thêⁿ-thâu-huang, 逆风。


前页 目录 后页


变更历史

更改日期 更改信息
2024-02-05 update internal notes of PagodaShadowsPage082.md
2023-07-06 finish PagodaShadowsPage082.md
2023-06-27 init PagodaShadowsPage082.md