Tong-kok tsṳ-niôⁿ ŭ che̍k-iōⁿ kuè ŭ hok-khì; i--nâng ŭ tâng1 soiⁿ-tō2(soiⁿ-tiang-sî)3 thuân--lo̍h-lâi --kâi che̍k-thàu saⁿ-khòu khuán-sek, chhēng--khí-lâi kiau-kiah4 iŭ ha̍h-ma̍k. Chí-khuán saⁿ-khòu, thong-sin5 tsn̂g-kâi pau --tŏ-kò, chia-tsa̍h liáu sin-hêng bŏi pun --nâng⁎ khàn-sṳ̀6 --tshut-lâi, bŏi kah hiá tsōi-kâi sai-tsuang sio-siăng, siŏⁿ-àiⁿ siu--khí-lâi --kâi tin-tò zú-kèng hiáⁿ-ma̍k. Tsò che̍k-sin chhìn-thiⁿ-sî(tang-thiⁿ-sî) saⁿ-khòu --kâi pòu, khuah--sì chiâⁿ-bí liáu ŭ chhit-poih-bí tn̂g tsŭ kàu-ēng; saⁿ-khòu tsò-tît liân pòu-thâu-pòu-bué to bô. Yi chin-chiàⁿ séⁿ --kâi --sĭ, hiá pòu-hêng tī-seⁿ ka-huap tsn̂g-kâi pâi-pí pīn, mín-ēng siŏⁿ-sim-kek-sṳ̄ khṳ̀ huân-ló tio̍h sio-chiŭ. Kàu-sin saⁿ-khòu kău-po̍h kò-kò sio-tâng, chhēng--khí-lâi tī-seⁿ tín-tăng7 to-hó, tsoh-khang-khuè --lâi bŏi tîⁿ-kha-pa̍k-chhiú, ŭ-kàu sio --lâi iā bŏi tàⁿ thīm-thīm.

  Nou-kiáⁿ lân-sî sòi-sòi tsŭ tiāⁿ-chhin-chiâⁿ, put-kuè in-ūi tiāⁿ-chhin-chiâⁿ tsŭ-tio̍h uân-hun, Tong-kok-nâng tsōi-kâi ŏi sek-ma̍k tán kàu tsṳ-niôⁿ-kiáⁿ tsa̍p-ngŏu huè chìn-thò àiⁿ kè-nâng, chí tsôiⁿ --che̍k-nŏⁿ-nîⁿ chiàⁿ khio̍h-tiāⁿ.

  Chiá hău-seⁿ-nâng --kâi hun-in sĭ iû i--nâng pĕ-bó tsú-ì, liáu chhiah hiá tsuan-mn̂g thàm-thiaⁿ sì-hioⁿ-la̍k-lí tshoh lâm-hun-nńg-kè --kâi buê-nâng khṳ̀ phue̍h chhin-chiâⁿ. Ŭ-tiang-sî sin-niôⁿ --kâi hun-phuè tsn̂g-kâi iû buê-nâng tsú-ì, ŭ-tiang-sî buê-nâng li-sĭ tŏ hiá phah-phue̍h hó-sì --kâi sang-huang-pĕ-bó kan lâi-huê thuân-uē tiaⁿ. Hun-ioh tsōi-kâi sĭ sin-nâng lóng m̆-tsai tsŭ tiāⁿ--lo̍h-lâi --kâi, thăi sin-niôⁿ-kiáⁿ tshuā kàu sin-nn̂g hṳ́ tshù --kò, sĭm-chì liân sin-nn̂g kah i kâi chhin-nâng to m̆-pat kìⁿ--kuè. Sin-niôⁿ tsṳ̆ jîp-mn̂g, chiat-sî tsŭ tǹg-tsò in ta-kuaⁿ hṳ́ tshù-lăi ka-kī, kuè-ău hoh-chió kàu guā-ke chiŏⁿ-lo̍h8. Yi kuè liáu ŏi-bŏi chheng-sim, iáu-chió sĭ thóiⁿ kâi ang, tio̍h siàng-hō9 kâi ta-ke kó-keh10 tsăi-seⁿ, mih-sṳ̄ lóng tio̍h thiaⁿ in ta-ke kah lău-má hun-hù. Yi pun --nâng⁎ lia̍h-tsò sĭ kàu-ke-nâng --kâi ēng-jîn(kang-jîn), zú-kèng sĭ in ta-ke --kâi tsáu₊-kúi11. Chiá ta-ke sim-pŭ, lân-sî thuà chhin kàu buâng-miāⁿ. Uá pat kìⁿ-kuè kâi tsṳ-niôⁿ, tŏ àiⁿ kah ta-ke pun-khui --kuá₊-jît hṳ́-ē-mue̍h khàu kàu chheⁿ-tshoih, --nâng⁎ tàⁿ in-ang àiⁿ lâi sio-kìⁿ li suà tiām-tiām. Uē tàⁿ tò-tńg, lău-tsṳ-niôⁿ tsōi-kâi ŏi iáu pà-tău, hău-seⁿ --kâi mue̍h--tio̍h iáu oh-năi.

注：

  1. tâng, 从；自从。个别地方读 thâng; têng 等；
  2. soiⁿ-tō, 先辈。现今较少听闻此词；
  3. soiⁿ-tiang-sî, 从前。个别地方读 soiⁿ-thiang-sî 或 soiⁿ-hang₊-sî 等；
  4. kiau-kiah, 衣着整洁而得体；
  5. thong-sin, 全身。部分地方读 thóng-sin；
  6. khàn-sṳ̀, 端详。部分地方亦用 khàn-siòⁿ；
  7. tín-tăng, 活动。有时亦读 tȉn-tăng；
  8. chiŏⁿ-lo̍h, 串门。亦多用 kiâⁿ-ta̍h；
  9. siàng-hō, 取决于；依…而定；亦用 khuà-chhiàng 等；
  10. kó-keh, 素性，近似于 phî-phiah；
  11. tsáu₊-kúi, 婢女。即 tsa-bóu-kúi。

前页 目录 后页


变更历史

更改日期 更改信息
2022-07-03 update comments
2022-07-02 seperate “kâi” & “–kâi”, though it’s almost the same for me.
2022-06-23 modified for style
2022-06-21 update PUJ translation
2022-06-19 update PagodaShadowsPage003.md
2022-06-16 update PUJ pages
2022-06-15 update PUJ articles and translation
2022-06-15 update PagodaShadowsPage003.md
2022-06-14 PagodaShadowsPage003.md complete
2022-06-14 update PUJ translation