Ĕ-lîm-nâng tsōi-kâi tsoh-lông, tshân-hn̂g che̍k-nîⁿ siu saⁿ-tang(kuè)1. Tsṳ-niôⁿ-nâng kuè-chió tshut-mn̂g, chiu-jît tŏ m̆-ôiⁿ tsṳ́-chia̍h, pháng-se, keⁿ-pòu, cheh-tsòi2, ūi ke-lăi-nâng thīⁿ saⁿ-khòu chí-tshoh-kâi.

  A-sì tŏ chí-kâi hioⁿ-lí tshut-sì hṳ́-che̍k-jît, i --kâi pĕ-âi tshuân huaⁿ-hí --kâi; in siŏⁿ-tàⁿ bô-nâng tǹg in seⁿ-tio̍h⁎ chiòⁿ tsōi-kâi tau₊-kiáⁿ --kâi. Tuā--nâng ēng che̍k-niáⁿ chheng-khih --kâi phuà-saⁿ lia̍h i pau --tiāⁿ, pàng i nā tek-nâⁿ --kò, tsài ēng nŏⁿ-kóu soh phuân tuè tshù-êⁿ tsang tek-nâⁿ tiàu(liū) --khí-lâi; àn-chiòⁿ-seⁿ, tek-nâⁿ-kiáⁿ iô-a-iô(iŏ-a-iŏ), nou-kiáⁿ che̍k-ē tsŭ u̍t3 kàu tsuh-tsuh. Yi chiàⁿ muáⁿ-gue̍h, thâu-mô tsŭ pun --nâng⁎ thì tsò tiáⁿ-kiáⁿ-lih, kàu sì-kâi-gue̍h tuā, thâu-mô tsn̂g-kâi thì kng-kng. Yin-ūi thiⁿ-sî chhìn, tshù-lăi iŭ m̆-pat tiám hué-lôu, i sin chhēng che̍k-niáⁿ kău-kău --kâi mîⁿ-hiûⁿ-kiáⁿ, sang-kha ēng i a-pĕ nŏⁿ-niáⁿ kū-saⁿ pau --tŏ-kò, chiòⁿ-seⁿ chiàⁿ ŭ-kàu sio. Yi huáⁿ₊ buē huat-khí, in âi tsang kho̍h kàu kôu-kôu --kâi muê, ēng chhiú-tsóiⁿ che̍k-khih-kiáⁿ che̍k-khih-kiáⁿ khuaⁿ--nî chhī --i, tsŭ chiòⁿ-seⁿ, nou-kiáⁿ chheⁿ gâu-tuā. Yi àiⁿ khì-sèⁿ, i poih-huè tuā --kâi a-ché ēng pì-tō pì tŏ ka-chiah-ău, liáu kiâⁿ-lâi-kiâⁿ-khṳ̀ a-sĭ khŏng-a-khŏng lâi ŏng i chĕⁿ. Chiang-sît --kâi, i ngŏu-huè tsôiⁿ tiām khò tŏ in âi a-sĭ a-ché --kâi ka-chiah-pang, tsŏ nā pa̍k tuè --nâng⁎ koiⁿ-thâu --kâi pì-tiâu --kò, sang-chhiú lám tio̍h --nâng⁎ --kâi ăm, sang-kha tŏ --nâng⁎ sang-pôiⁿ sŏng-a-sŏng, thâu-khak lân-sî tiòⁿ taⁿ, sang-ma̍k ko̍k-ko̍k-kim mōⁿ tio̍h tshù-téng a-sĭ thiⁿ-téng-thâu. Yi saⁿ-huè tuā, thâu-khak-téng tshoh mô seⁿ-liáu ŭ-kàu tn̂g, --nâng⁎ tsŭ lia̍h i pĭⁿ-tsò piⁿ. Taⁿ-chiàⁿ ŏi hiáu pì kâi nâⁿ-kiáⁿ kah áu ki khau-pê sì-tshù kiâⁿ, i tsŭ kah i sŭn-suà --kâi a-hiaⁿ tsò-che̍k-ē khṳ̀ suaⁿ-téng khioh mue̍h-hiâⁿ. Hiaⁿ-tĭ-kiáⁿ sio-tàu nueh hṳ́ thôu-kha-ĕ --kâi ta-tsháu kah sêng-peh-chhiū téng ka-la̍uh --lo̍h-lâi --kâi tshâ-ki-kiáⁿ, kah pa̍t-mih-iōⁿ hó hiâⁿ-hué --kâi lóng-tsóng khit-khioh tsò-che̍k-ē. Yin tio̍h khioh ŭ-kàu ke-lăi tsṳ́-chia̍h ēng --kâi mue̍h-hiâⁿ, nâ-m̆-sĭ khioh bô-kàu, i--nâng pĕ-âi hán-tit phah --in.


注：

  1. tang，用为稻谷收割次数，无论是否冬收；
  2. cheh-tsòi，编织亚麻织物；此词取自作者所著词典，现今鲜有耳闻；
  3. u̍t，睡觉，原读音 gu̍t，现亦读 n̍gh。

前页 目录 后页


变更历史

更改日期 更改信息
2022-07-02 seperate “kâi” & “–kâi”, though it’s almost the same for me.
2022-07-02 flatten translation
2022-07-02 add PagodaShadowsPage013.md
2022-07-02 readjust descriptions
2022-07-01 readjust descriptions
2022-07-01 remove redundants
2022-07-01 fixed tones about “sway” and “fro”
2022-07-01 PagodaShadowsPage012.md complete
2022-07-01 try the second sentence of the second paragraph
2022-06-30 add PagodaShadowsPage012.md