Chí-tshoh khang-khuè m̆-ôiⁿ kàu i kiâⁿ-m̆-khui-kha, sui-sĭ che̍k-nîⁿ kiáu nióⁿ-guā-nŏⁿ-nióⁿ ngṳ̂n tsŭ ŭ-piàn khṳ̀ hioⁿ-lí --kâi tsṳ-che tha̍k-tsṳ, i huáⁿ₊ sĭ bô-i-piàn. Sì-chiu-ûi-tńg hiá-nâng só-tsò_só-tàⁿ tùi i --kâi kà-tău chhim-chhim --kâi khek tŏ i thâu-náu-tói. Bô-nâng kà i mó láu-nâng(kuang-phiàn), liáu, i nâ-sĭ káⁿ thau-khio̍h mue̍h-kiăⁿ tsŭ tio̍h --nâng⁎ hua̍t, i tsŭ o̍h-ŏi “pa̍t-nâng mue̍h-kiăⁿ mó suàⁿ-thăng” --liáu. Yi tiām ŭ thiaⁿ tio̍h lău-puè-nâng tàⁿ --kâi keh-ngân kah so̍k-gṳ́, chí-tshoh-kâi sĭ kuè-tsōi-tō-nâng --kâi khiàu-tsúi chit-cheh --lo̍h-lâi --kâi. --Nâng kà i tàⁿ tio̍h tsai-ṳ̆, tǹg hiá-, “ 瓜田 (Kue-tshân) 不 (put) 纳履 (na̍p-lí) ， 李下 (lí-ĕ) 不 (put) 正冠 (chiàⁿ-kuan) ”; tàⁿ-uē mài huah-chhit-tău-poih, tǹg hiá-, “ 病 (Pēⁿ) 从 (tshông) 口 (kháu) 入 (jîp) ， 祸 (huă) 从 (tshông) 口 (kháu) 出 (tshut) ” kah “ 一言 (Che̍k-ngân) 既 (kì) 出 (tshut) ， 驷马 (sì-bé(sṳ̀-má)) 难 (lân) 追 (tui) ”; tsò-sṳ̄ mín ùiⁿ siáu-lí, tǹg hiá-, “ 捷足 (Chia̍p-tsok) 先 (soiⁿ) 登 (teng) ”; nâng mín sio-pí, tǹg hiá-, “ 十指 (Tsa̍p-tsóiⁿ) 有 (ŭ) 长短 (tn̂g-tó) ”; mue̍h-kiăⁿ-sṳ̄ lóng sio-kau-tîⁿ, tǹg hiá-, “ 唇齿 (Tûn-khí) 相依 (siang-i) ”; liáu, tek-hĕng --huang-mīn, i--nâng ŭ Khóng-tsṳ́ --kâi kim-khue-ge̍k-lu̍t, “ 己 (Kí) 所不欲 (só-put-io̍k) ， 勿 (mu̍t/mài) 施于 (si-i) 人 (nâng) .” Tŏ i khiă-khí --kò --kâi nâng-khûn-peh-chèng, tŏ i sì-chiu-ûi-tńg --kâi nâng-chhêng-sì-sṳ̄, kah tŏ i ngĕⁿ tio̍h taⁿ-tng --kâi mue̍h-kiăⁿ-sṳ̄ --kò, i o̍h-ŏi liáu iak-sok ka-kī, khat-khóu, kah la̍t-siòⁿ; chí-tshoh-kâi tùi pa̍t-tī-kâi kok-ke --kâi ta-pou-kiáⁿ --lâi-tàⁿ sĭ hoh-chió ŭ-piàn tú--tio̍h --kâi.

  M̆-sǹg thóiⁿ-hì kah kuè-tsoih, A-sì hoh-chió tshut-khṳ̀ thit-thô, che̍k-nîⁿ chheng tsa̍p-it--gue̍h pàng huang-khîm1 --tiaⁿ. Huang-khîm sĭ ēng tsuá tsò-tsò chheⁿ --a, hṳ̂ --a, chiáu --a chí-iōⁿ-kâi, tsò-liáu kuè súi-khùi; liáu, tiām ŭ kìⁿ-tio̍h ta-pou-kiáⁿ--hué lia̍h huang-khîm pàng khí-khṳ̀ thiⁿ-téng sio-phah. Lân-tshoh huang-khîm tuè ŭ kâi huang-húiⁿ-kiáⁿ, pun huang che̍k-ē tshue, hm̆_hm̆_kiò chheⁿ hiáng. Lân-sî, nou-kiáⁿ--hué lia̍h in kâi huang-khîm-suàⁿ pa̍k tuè mue̍h-kiăⁿ --kò, liáu, pàng-thăi i tŏ thiⁿ-ta-ng hiáng kàu-mêⁿ.


注：

  1. huang-khîm，风筝。部分地方更常用 tsuá-iō 等。


前页 目录 后页


变更历史

更改日期 更改信息
2022-07-05 remove rare expression of “lie”
2022-07-05 change translation of “patience”
2022-07-03 change translation of “strings of kite” for some reasons
2022-07-03 add comments about “rope”
2022-07-03 add PagodaShadowsPage015.md
2022-07-03 PagodaShadowsPage014.md complete
2022-07-03 finish the first paragraph
2022-07-02 add PagodaShadowsPage014.md