A-sì tsa̍p-huè tuā hṳ́-ē-mue̍h, i-a-pĕ kuè-sin --khṳ̀. Tsò thâu-chhit hṳ́-jît, tshoh kiáⁿ-tĭ bói-liáu kôu-ui, ui-sioⁿ, chîⁿ-tsuá, kah in-a-pĕ tŏ thiⁿ-téng tio̍h ēng--tio̍h hiá mue̍h-kiăⁿ --kâi uē-siòⁿ, liáu, lia̍h tshoh-kâi sio pun in-a-pĕ. Keh bô jio̍h-kú, i-a-peh iā kuè-sin --khṳ̀, liáu, in sêng-hṳ́-sì lia̍h àiⁿ tsài sio pun in-a-pĕ --kâi kôu-ui kah in-a-peh --kâi tsò-che̍k-ē sio. A-sì --kâi âi huáⁿ₊ hău-seⁿ --tŏ, liáu mó-tit pàng in-a-pĕ --kâi kuaⁿ-tshâ nā tshù-lăi thăi in-âi kuè-sin ău tsò-che̍k-ē kám, tio̍h chiat-khek kng chiŏⁿ-suaⁿ. Sàng-sng --kâi nâng-khûn pâi kàu tn̂g-tn̂g, khàu-sng1 --kâi chhēng muâ-i, thâu-téng hâ-pe̍h-pòu(tuà-hà/kuà-hah). Kiâⁿ tŏ kuaⁿ-tshâ thâu-mīn-tsôiⁿ sĭ kòu --lâi --kâi che̍k-khûn pûn ti-tâⁿ --kâi; kuaⁿ-tshâ jîp-tsǹg tsôiⁿ, --nâng⁎ tsang ngóu-kak sám tŏ phûn tói-mīn. Phûn-ūi kah tī-jît chiŏⁿ-suaⁿ2, lóng-sĭ tsá-tsôiⁿ tshuē huang-tsúi-sin-seⁿ thóiⁿ-liáu to̍h --kâi.

  Sng-sṳ̄ chiàⁿ lí-tît, chioh-chîⁿ pun in-a-pĕ --kâi tuā-tshâi-tsú tsáu-lâi kiò-tàⁿ in tio̍h chiat-khek hôiⁿ-chîⁿ. Chí-ke-nâng kuè-jît lóng kŏu i--nâng kò tshân-hn̂g, liáu, bô bōi-tiāu li bô-piàn hôiⁿ tiâu seⁿ-chè, thong-ke-kiáⁿ thiám kàu bŏi-tháu-khùi. Khṳh chè-tsú tô-tia̍p kàu chheⁿ-kiaⁿ, in-âi kuat-tuàn chih-siŭ kâi pù-nâng-chhin-chiâⁿ --kâi tsú-ì; i pat khṳ̀ khiû chí-kâi chhin-chiâⁿ sio-hŭ, --nâng⁎ tàⁿ tio̍h A-sì kuè pun i tsò-kiáⁿ tsŭ khṳh i chhit-tsa̍p-nióⁿ ngṳ̂n. A-sì kah in-âi, kah hiaⁿ-tĭ--hué ūi chí-kiăⁿ-sṳ̄ khàu kàu hô-thiⁿ-kiò-jît; liáu, i--nâng khṳ̀ biō--kò pua̍h chhiam-tiâu khiû kit-jît; tŏ kit-jît tiang-sî, A-sì lī-khui ke, bô tsài-sĭ in-âi --kâi kiáⁿ --liáu. Bōi-sin-khòi tèng hó-sì, tshông-kim-uáng-ău in-âi kah hiaⁿ-tĭ--hué lóng kah A-sì bô-kau-bô-kuà --liáu. Chin-tsò i--nâng jît-ău ŭ-chîⁿ, in iā bô-tit bói i tò-tńg --lâi. A-sì --kâi a-ché, hoh-kú-tsôiⁿ tsŭ kè-nâng --khṳ̀, phiàⁿ-lói-chîⁿ tsá tsŭ sái liáu --liáu. A-sì --kâi a-muē, --nâng⁎ khio̍h liáu la̍k-nióⁿ ngṳ̂n tsò-tiāⁿ, iā pun ĕ-jît --kâi ta-ke kiau khṳ̀ chhī-tuā --liáu. Àn-chiòⁿ-seⁿ, tiâu seⁿ-chè chiàⁿ tshòu ŭ-kàu hôiⁿ --nâng; liáu, in-âi jît-ău tsŭ khò tshûn--lo̍h-lâi hṳ́ saⁿ-kâi-kiáⁿ iáng-láu --liáu.


注：

  1. 原文为 “the mourners”，但按风俗并非所有送殡者均可披麻戴孝，此处略作修改；
  2. chiŏⁿ-suaⁿ，出殡。部分地方亦用 tshut-suaⁿ 等。


前页 目录 后页


变更历史

更改日期 更改信息
2022-07-05 hide redundant comments
2022-07-04 add comments for translation of “so”
2022-07-04 add PagodaShadowsPage016.md
2022-07-04 PagodaShadowsPage015.md complete
2022-07-04 finish the first paragraph
2022-07-03 add PagodaShadowsPage015.md